Мамандық туралы:
«Қазақ халық аспаптары» мамандығы түлегінің кәсіби қызметінің объектілері: мәдени-көркемдік мекемелер, музыкалық мекемелер, студиялар, шығармашылық топтар (оркестр, ансамбль).
Осы мамандықтың түлектері үйренеді:
- музыкалық шығармаларды тұтас және сауатты қабылдау және орындау, жеке, оркестр, ансамбль репертуарын өз бетінше игеруді;
- концертті ұйымдастыру барысында, орындаушылық қызметі мен дайындық жұмысын жүзеге асыруды, шығармашылық ұжымдарда музыкалық жетекшісінің міндеттерін орындауды;
- өз аспабының құрылысын, жөндеуін және құлақ-күйін келтіруге қажетті негізгі білімді пайдалануды;
- әр түрлі жас топтардындағы тындаушылардың қабылдау ерекшеліктерін ескере отырып, концерттік-тақырыптық бағдарламалар жасауды;
- оқытуда психология мен педагогика, арнайы және музыкалық-теориялық пәндер бойынша білімдерін қолдануды;
- білім алушының кәсіби шеберліктерін дамытуды жоспарлауды.
Студенттердің практикасы:
«Қазақ халық аспаптары» бөлімінде студенттер педагогикалық тәжірибеден өтеді:
- Педагогикалық тәжірибе - ШҚӨУ тәжірибе секторы негізінде өткізіледі. Мамандық бойынша сабақтарда практика секторының оқушыларымен студент педагог-кенесшімен бірге педагогикалық қызметті жүзеге асырады. Жұмыстың мақсаты - оқушыны емтихандық , концерттік қойылымға дайындау. Сонымен қатар, студент қажетті құжаттарды жүргізумен танысады, таңдаған тақырып бойынша ашық сабақ, әдістемелік баяндама даярлайды, сабақтан тыс іс-шараларды уйымдастыруды үйретеді.
Мансап мүмкіндіктері:
- Білім беру(педагогикалық): балалар музыкалық мектептерінде, өнер мектептерінде арнайы пәндерді оқытуды жүргізу.
- Орындаушылық: кәсіби және көркем өнерпаздар концерттік ұйымдарында, музыкалық ұжымдарда, үйірмелерде, студияларда концерттік қызметын атқару.
