2024 жылдың 10-11 мамыр күндері Өскемен қаласы ШҚО Білім басқармасы, Дарындылық пен қосымша білім беруді дамытудың, Шығыс Қазақстан ғылыми-әдістемелік Дарын орталығы және ШҚО Білім басқармасының «Халық әртістері ағайынды Абдуллиндер атындағы Шығыс Қазақстан өнер
училищесі» КМҚК ұйымдастыруымен оқушылардың жеке және ансамбльдік орындаушылық, шеберлік, музыкаға дарынды балаларды кәсіби және шығармашылық тұрғыдан дамыту, талантты жастарды анықтау және оларға қолдау көрсету, мектептің дәстүрін және орындаушылық деңгейін арттыру, дәстүрлі күйшілік өнерді насихаттау мақсатында І-ші Облыстық «КҮЙ-ДАРИЯ, КҮЙ-FҰМЫР» атты жасөспірімдер арасындағы домбырашылар байқауы өткізілді. Қазылар алқасының мүшелері жетекші ұстаздары мен мәдениет қайраткерлері болды.
1. Абенов Батырлан Алкенұлы. Қазақ ұлттық өнер университеті “Дәстүрлі музыкалық өнер” факультетінің деканы, доцент, Мәдениет саласының үздігі.
2. Әбуғазы Мұрат Қазенұлы. ҚР Мәдениет қайраткері, Темірбек Жүргенов атындағы Қазақ ұлттық өнер академиясының доценті, күйші.
3. Рысханов Шалқар Рысханұлы. Халық әртістері ағайынды Абдуллиндер атындағы Шығыс Қазақстан өнер училищесі “Қазақ халық аспаптары” бөлімінің төрағасы, Шығыс Қазақстан облыстық филармониясының Байжігіт атындағы халық аспаптары оркестрінің бас дирижеры, Мәдениет саласының үздігі.
