Қабылдау туралы ақпарат

Халық әртістері ағайынды Абдуллиндер атындағы

Шығыс Қазақстан өнер училищесінің

2024-2025 оқу жылына арналған

ҚАБЫЛДАУ БАҒДАРЛАМАСЫ

         Халық әртістері ағайынды Абдуллиндер атындағы Шығыс Қазақстан өнер училищесі Қазақстан Республикасы Үкіметінің 2018 жылғы «18» қазандағы №578 қаулысымен бекітілген техникалық және кәсіптік білімнің білім беру бағдарламаларын іске асыратын білім беру ұйымдарына оқуға қабылдаудың Үлгілік қағидалары негізінде талапкерлерді қабылдауды жүзеге асырады.

1. Халық әртістері ағайынды Абдуллиндер атындағы Шығыс Қазақстан өнер училищесіне Қазақстан Республикасының азаматтары, негізгі орта, жалпы орта, техникалық және кәсіптік, орта білімнен кейінгі, жоғары білімі бар шетелдік азаматтар және азаматтығы жоқ адамдар, сондай-ақ білім туралы құжатымен ерекше білім берілуіне қажеттілігі бар адамдар қабылданады.«Білім туралы» Заңның 26-бабының 8-тармағы негізінде оқуға түсу кезінде ауыл жастары арасынан шыққан азаматтар үшін, Қазақстан Республикасының азаматтары болып табылмайтын ұлты қазақ адамдар үшін; Ι және ΙΙ топтағы мүгедектер, бала кезінен мүгедектер, мүгедек балалар үшін; жетім балалар мен ата-анасының қамқорлығынсыз қалған балалар үшін қабылдау квотасы көзделеді.
2. Мемлекеттік қызметті алу үшін көрсетілетін қызметті алушы училищеге немесе «электрондық үкіметтің» веб-порталына жүгінеді.Училищеге түсуші талапкерлер қабылдау өтінішімен бірге, білім туралы құжаттың түпнұсқасын, №075-У нысандағы медициналық анықтаманы, флюрография суретін, 3х4 көлеміндегі 4 фотосуретін, І және ІІ топтағы мүгедектер, бала кезінен мүгедек балалар медициналық-әлеуметтік сараптаманың қорытындысын қоса тапсырады.

Осы Ережеге сәйкес жеңілдікпен қабылдану құқығын пайдаланатын тұлғалар растайтын құжаттарды ұсынады

Оқу орнына келгеннен кейін оқуға түсушілер жеке күәлігін (паспортын) немесе туу туралы куәлігін жеке өзі не ата-анасы немесе заңды өкілдері арқылы көрсетеді.

3. Қазақстан Республикасының азаматтары болып табылмайтын тұлғалар шетелдіктің Қазақстан Республикасында тұруға ықтиярхатын не азаматтығы жоқ адамдарды (куәлікті) не босқын куәлігін немесе пана іздеген адамның куәлігін, қандас – қандас куәлігін ұсынады.
4. Шетелдiк талапкерлер Қазақстан Республикасында бiлiм беру қызметіне қол жеткізу үшін алған бiлiмдеңгейiне және дайындық бейініне сәйкес тану және нострификациялау рәсімінен өтуі қажет. Нострификация үшiн қажеттiқұжаттар:

• Бiлiмі туралы құжаттың түпнұсқасы;
• Бiлiм туралы құжатқа қосымша;
• Бiлiм туралы құжаттың және оның мемлекеттiк немесе орыс тiлiндегі қосымшасының нотариалды куәландырылған аудармасы;
• Бiлiм туралы құжатты берген оқу орнын аккредиттеу туралы лицензияның немесе  куәлiктің көшiрмесi;
• құжат иесiнiң жеке басын куәландыратын құжаттың мемлекеттiк немесе орыс тiліндегі аудармасымен қоса нотариалды куәландыратын көшiрмесi.

5. 2024-2025 оқу жылына арналған қабылдау: музыка теориясы, фортепиано, ішекті, үрлемелі және соқпалы, халық аспаптары (қазақ және орыс), хор дирижері, ән айту (академиялық және халықтық), хореография,режиссура, музыкалық жетекші мамандықтары бойынша бюджеттік және ақылы негізде жүргізіледі.

6. Училищеге түсушілер түсу емтихандарын қазақ немесе орыс тілдерінде тапсырады.

7. Өтініштерді қабылдау 25 маусымнан 20 шілдеге дейін, қабылдау емтихандары 22 шілдеден 27 шілдеге дейін жүргізіледі.

8. Арнайы және шығармашылық емтихандар бойынша «2» деген баға алған немесе себепсіз келмеген тұлғалар қалған емтихандарға жіберілмейді. Түсу емтихандарын қайта тапсыруға рұқсат етілмейді.

9. Пәндер бойынша түсу емтиханының нәтижелерімен келіспеген талапкердің апелляцияға беруге құқығы бар. Апелляция қабылдау комиссиясына нәтижелер жарияланғаннан кейін келесі күні сағат 13.00-ге дейін беріледі және оны апелляциялық комиссия бір тәулік ішінде өтініш берушінің қатысуымен қарайды.

10. Конкурсты білім басқармасының ақпараттық жүйесі 29 шілде мен 2 тамызаралығында өткізеді. Конкурстың қорытындылары ағымдағы жылдың 5тамызына дейін ресми интернет-ресурстарда жарияланады. Квоталар бойынша бөлінген орындарға азаматтардың жекелеген санаттары, сондай-ақ шетелдік қазақ диаспорасы үшін Қазақстан Республикасының Үкіметі белгілеген жеңілдіктерге сәйкес конкурс жеке өткізіледі.

11. «Хореография» және «Режиссура» мамандықтары бойынша конкурстан өтпеген, бірақ осы оқу орнында түсу емтихандарын жақсытапсырған талапкерлер жоғарыда көрсетілген мамандықтарға оқуға кеткен шығындарын ішінара өтей отырып, қабылдана алады.

12. Мамандықтар, біліктіліктер, оқу мерзімдері және түсу емтихандары (шығармашылық) тізбесі келесі кестеде келтірілген:

«ШҚО-ның кез-келген колледжіне құжаттарды қалай тапсырады?»