Биыл Халық әртістері ағайынды Абдуллиндер атындағы Шығыс Қазақстан өнер училищесінің және «Үрмелі және соқпалы аспаптар» ПЦК қалыптасуына зор үлес қосқан - ұстаз, өнердің шын жанашыры бола білген шығармашылыққа толы тұлға - Валентин Георгиевич Макшаевтың туғанына 90 жыл толмақ. Аса дарын иесі өзінің саналы ғұмырын облысымыздағы, қала берді, еліміздегі үрмелі аспапта ойнау шеберлігін қалыптастырудың өзіндік мектебінің іргесін қалады. Осы ретте, Шығыс Қазақстан облысы Білім басқармасының қолдауымен Валентин Георгиевич Макшаевтың 90 жылдық мерейтойы құрметіне, ұстаздың жарқын тұлғасын еске алып, шығармашылығын жас ұрпаққа кең көлемде дәріптеу мақсатында республика деңгейінде түрлі мәдени іс-шараларды ұйымдастыру жоспарланып отыр. Атап айтар болсақ, аты аңызға айналған оқытушының шығармашылығына арнап Валентин Георгиевич Макшаев атындағы кабинеттің ашылу салтанаты, ғылыми – іс-тәжірибелік конференция, мерекелік концерттер мен музыкалық училищелер/колледждер студенттері арасындағы жас орындаушылардың I Республикалық байқауы.
Өнер саңлағы, өнегелі ұстаздың қалдырған мол мұрасын келешек ұрпаққа насихаттау баршамыздың парызымыз болып қала бермек.
Құрметті оқырман, егерде Сіз, өнер училищесінде ұйымдастырылатын шараларға атсалысып, қатысуға ниет білдірсеңіз төмендегі сілтемелерге өтіп, Валентин Георгиевич Макшаевтың туғанына 90 жыл толуына арналған музыкалық училищелер/колледждер студенттері арасында үрмелі мыс аспаптарда Қазақстанның жас орындаушыларының I Республикалық байқауының және «Педагогика, орындаушылық және оқыту әдістемесі мәселелері» атты Республикалық ғылыми-практикалық конференцияның (сырттай) ережелерімен танысып, өтінім білдіре аласыз.
Сізге сәттілік тілейміз!
