3.03.2022ж. Халық әртістері ағайынды Абдуллиндер атындағы ШҚӨУ іргесінде, халықаралық, республикалық байқаулардың лауреаты «Алас» этно-фольклорлық ансамблінің құрылғанына 10 жыл толуына орай жеке есеп беру концерті өтті, ансамбльдің көркемдік жетекшісі «Қазақ халық аспаптары» бөлімінің оқытушысы, «ҚР Мәдениет саласының үздігі» Көшкінбаева Маржан Төлешқызы.
«Алас» ансамблінің тарихы 2011 жылдан бастау алады. Қазақ халқының сыбызғы, сазсырнай, домбыра, қобыз, жетіген, шіңкілдек, шанқобыз, дауылпаз, даңғыра сияқты саз аспаптарын, көмеймен ән айту мәнерін өзара үндестіру арқылы көне сарынның заманауи тұрғыда орындауды қайта жаңғыртуда, қазіргі таңда республикамыздағы осы сынды бірқатар ансамбльдердің қатарынан деп айтуға болады. Концерттік бағдарламада қазіргі заман, қазақ композиторларының және ансамбльдің авторлық туындылары орындалды
Аталған ұжымның жетістіктері:
2012 жылы Астана қаласында өткен «Ел іші – өнер кеніші» атты халық шығармашылғының телевизиялық байқауының қатысушысы.
2013 жылы Ақтөбе қаласында Халықаралық фольклорлық ансамбльдер арасында өткен «Жұбанов көктемі» атты байқауының Дипломанты.
2021 жылы өткен 42 Республикалық жас орындаушылар байқауында «Фольклорлық ансамбль» номинациясы бойынша 2-ші жүлделі орынға иеленген.
Ансамбль облыстық, қалалық мерекелік іс-шараларға белсенді қатысып, өз өнерлерін паш етіп келеді.
Сондай – ақ, «Алас» ансамблі Барнаул, Қызылорда, Талдықорған, Алматы, Астана қалаларында өткен «Туған ел – алтын бесігім» акциясы аясында ұйымдастырылған концерттік бағдарламалардың белсенді қатысушысы болған. Сол кездегі ансамбльдің құрамына тоқтала кетсек: Дулатұлы Азат, Акияшев Айсарбек, Нұрбекұлы Әділет, Зарқынбекова Жансая, Нурсагитова Айгерім. «Қазақ халық аспаптары» бөлімінің дарынды және бірегей түлектерінің басым көпшілігі жоғарғы оқу орындарына түсіп, өнер жолын ары қарай жалғастыруларына байланысты, ансамбль мүшелері жыл сайын ауысып келеді. 2012 жылы ансамбль құрамы 7 орындаушыға толықтырылды. Бұл құрамға Әділқан Ақжол, Төлеухан Жалын, Мәкенов Еламан, Әлібекова Ақмарал, Талаптанова Гүләйім сынды студенттер қосылды. 2013 жылы ансамбль құрамын Утилова Айдана, Дәлелханова Айжан толықтырды. Сондай-ақ бұл ұжымда Шайзратұлы Ержан, Жайырбекова Іңкәр, Қабыкенова Назерке, Жеңісбекова Аяужан, Амантай Санат, Айтқазин Әли, Таппаева Дильназ, Құрманғалиева Елік сынды студенттер өнер көрсетті.
Бүгінгі таңда ансамбльдің құрамында Медет Айым, Көкөнева Камила, Қайыл Аружан, Бурахан Расул, Нурлыбеков Ерназ, Мустафин Арман, Мекенова Аида.
Концертте ансамбльге қолдау жасап өнер көрсеткендер «Жастар» хореографиялық ансамблі, жетекшісі Пошелюжная Елена Анатольевна, Сағиев Еларыс (бас-гитара), «ҚР Мәдениет саласының үздігі» Әділ Тұрғанбаевтың шәкірттері Талаптанова Талшын және Батырқанов Темірлан.
Ансамбль ұжымына шығармашылық табыс тілейміз!
