Әдістемелік жұмыс

ХАЛЫҚ ӘРТІСТЕРІ АҒАЙЫНДЫ АБДУЛЛИНДЕР АТЫНДАҒЫ ШЫҒЫС ҚАЗАҚСТАН ӨНЕР УЧИЛИЩЕСІНІҢ ӘДІСТЕМЕЛІК ЖҰМЫСЫ

Өнер училищесінің білім беру үрдісінің толыққанды болуының бір компоненті – әдістемелік жұмыс.  

Оқу-әдістемелік және ғылыми-әдістемелік жұмыстың мақсаты -  ғылым мен білімді интеграциялау, оқу және тәрбие процесін заманауи әдістемелік құралдармен қамтамасыз ету және жетілдіру, оқытудың жаңа технологияларын әзірлеу және енгізу, педагог қызметкерлердің біліктілігін арттыруды қамтамасыз ету.

Оқу-әдістемелік және ғылыми-әдістемелік жұмыстың міндеттері:

- білім беру бағдарламаларын іске асыруды ғылыми-әдістемелік қамтамасыз ету;

- қолданыстағы білім беру технологияларын, әдіс-тәсілдерін білім беру үрдісіне енгізу және жетілдіру;

- педагогтың шығармашылық ойлауын дамыту, педагогикалық қызметкерлердің біліктілігін және кәсіби шеберлігін арттыруды қамтамасыз ету, педагогикалық ұжымның ғылыми-әдістемелік мүмкіндігін жетілдіру.

Өнер училищесіндегі оқу-әдістемелік және ғылыми-әдістемелік жұмыс келесі бағыттарды қамтиды:

- мемлекеттік жалпыға міндетті білім беру стандарттарын негізге алып оқу жұмыс жоспары мен бағдарламаларын сараптамадан өткізуді ұйымдастыру;

- әдістемелік кеңес және тағы басқа құрылымдық бөлімдердің жұмыс жоспарларын қарастырып, түзету енгізу, бекітуге мақұлдау;

- училищедегі оқыту үрдісін оқу-әдістемелік құралдармен қамту;

- училищенің әдістемелік қамтылуына қажетті құқықтық-нормативтік құжаттарды оңтайландыру;

- оқу үдерісіне қажетті оқу-әдістемелік құралдарды, дидактикалық материалдар жинағын әзірлеу;

- еңбек нарығына сай мамандықтар тізімін қарастыру, жоспарлау;

- оқытушылардың оқу-тәрбие үрдісінде қолдануға арналған әдістемелік жұмыстың түрлі әдістерін енгізу;

- білім алушылардың білім сапасын бақылаудың түрлі әдістерін енгізу; 

- оқу-әдістемелік және ғылыми – әдістемелік жұмыстарды жетілдіру мақсатында семинарлар, конференциялар мен кеңестер ұйымдастыру.

Әдістемелік жұмысты ұйымдастырудың бір-бірімен тығыз байланысты 3 тобын көрсетуге болады:

- әдістемелік жұмыстың жалпыучилищелік формасы (ортақ әдістемелік жұмыс, психолого-педагогикалық семинарлар, практикумдар, ғылыми-іс – тәжірибелік конференциялар, педагогикалық оқулар, әдістемелік көрмелер);

- әдістемелік жұмыстың топтық әдістері (әдістемелік бірлестіктер, оқытушылардың шығармашылық топтары, озық тәжірибені тарату, топтық тәлімгерлік, өзара сабаққа қатысу және бәрлескен тәрбие жұмыстары);

- әдістемелік жұмыстың жеке түрі (оқытушылардың жазғы мектебі, жеке кеңестер, әңгімелесу, тәлімгерлік, жеке шығармашылықпен жұмыс, өзіндік білім көтеру).